Sparisjóður Mýrasýslu

SPM tapaði 5 ma. kr. á síðasta ári. Eigið fé fór úr 6 ma. kr. niður í 1.5 ma. kr.

Kaupþing er nú að hirða upp restarnar af SPM með 2 ma. kr. innspýtingu.

Allt má þetta rekja til ótrúlegra fjárfestinga, á borð við 1 ma. kr lánveitingu til "einstaklinga sem allir tengjast Icebank", til hlutafjárkaupa í Icebank. Þessi lánveiting gerist, by the way, í lok árs 2007 þegar öll rauðu ljós lausfjárskrísunnar blikka og viðvörunarbjöllunar hringja.

Hvers konar bankarekstur er þetta??

Ágæta fólk. Þetta er ástæðan fyrir því að sparisjóðir eiga ekki að vera í eigu sveitarfélaga og opinberra aðila. Þeir ráða einfaldlega ekki við svona rekstur - þeir kunna þetta ekki.

T

Há og lág laun

Tekið af Vísi:

"Ögmundur Jónasson [...] segir að lykillinn að því að koma í veg fyrir ofurlaun bankamanna [...] sé upplýsingaflæði."

Af hverju þarf að koma í veg fyrir þau? Eru (of) há laun kannski vandamál? Væri íslenska fjármálakerfið kannski betur sett ef sett væru í lög hámarkslaun fyrir bankafólk? Ásakanir um getu- og kunnáttuleysi íslenskra bankara ættu þá fyrst rétt á sér ef slík lög yrðu að raunveruleika.

Nei, ég held of lág laun séu vandamál samfélagsins en ekki of há laun. Við eigum að skipta okkur af því ef fólk er að fá alltof lág laun - og bæta þeim það í einhverju formi. Það á að vera okkar fókus - setja neðrimörk, ekki efrimörk.

Svona fullyrðingar eins og hans Ögga Jó eru bara olía á eld öfundar og múgæsings. Mér finnst það asnalegt og aumkunarvert að velta sér upp úr slíku.

T

UBS

Var boðaður í atvinnuviðtal hjá svissneska bankanum UBS í dag. Hann er jú einmitt bankinn sem geymdi allt gyðingagullið fyrir nasista í stríðinu. Fór í nokkrar fegurðaraðgerðir síðan þá en hell, þetta gaurinn.

 Grillun er besta lýsingin á því sem ég lenti í þarna. Ekki nóg með að fara ítarlega í gegnum CV mitt (sem er venja og ég geri orðið ráð fyrir) heldur var ég látinn reikna út delta fyrir þetta, gamma fyrir hitt. Og gjöra svo vel og tegra eitt stykki Wiener prósess. Það er skemmst frá því að segja að ég var langt í frá tilbúinn fyrir þetta 3 klst viðtal.

Það verður fróðlegt hvað þeir taka sér langann tíma áður en þeir segja "nei, takk" :) Ég set tíara á viku.

T