Fréttir úr borg óttans

Stóri leikurinn er á fimmtudaginn, KR-FH í Frostaskjólinu. Þar kemur í ljós hvort taphrina okkar gegn fimleikafélaginu síðan 2004 sé á enda.

T

Skelltum okkur til Brighton á laugardaginn, bara stutta dagsferð. Vorum gríðarlega heppin með veður, heiðskýrt og 20+ gráður - reyndar smá vindur.

Brighton er þessi gamli enski partýbær. Fullur af stúdentum að djamma yfir helgina, skyndibitamatur, fish & chips og skemmtistaðir útum allt. Við tókum eftir því uppúr kl 17 að ströndin var farin að fyllast af þessu liði (sennilega að vakna og byrja næsta kvöld). Þá ákváðum við að halda af stað heim til London.

Annars er vesalings Rannveig komin með hlaupabóluna. Við tókum fyrst eftir fáeinum rauðum blettum á sunnudagskvöld, en þar sem hún hefur undanfarið lent svolítið í skordýrabitum, þá vorum við ekki viss. En mánudagsmorguninn var hún orðin ein hlaupabóla.

Þetta á að ganga yfir á 10-21 dögum. Vonandi að þetta raski okkar plönum of mikið.

T

PS. Nýjar myndir á barnalands-síðunni hennar Rannveigar

Mér var bannað að fara í vinnuna á morgun. Ástæðan er sú að Lloyds óttast það að mótmælendur verði ofbeldisfullir - sem þeir voru síðast - og haldi starfsfólki lokuðu á skrifstofum með SIEGE-í í City of London.

Margir af leiðtogum þessara svokallaðra mótælenda (lesist: hræsnara) eru uppi með mjög aggresíft language, eins og það eigi að hengja bankamenn uppí ljósastaurum og fleira í þeim dúr.

Það eru sem sagt engir sénsar teknir og 2/3 látnir vera heima.

T

Mér finnst Íslendingar margir (alls ekki allir) eigi auðveldara að sjá flísina í auga bankamanna heldur en bjálkann í sínu eigin. Þessa samtíðarsögu las ég á Silfri Egils á Eyjunni:

"Sæl/Sæll

Langar að segja ykkur aðeins sögu okkar hjóna.
Við upphaf kreppunnar var um 1 ár síðan við keyptum íbúðina okkar, við vorum einnig með aðrar skuldir en þetta hafðist alveg.
Þegar bankarnir hrynja, þá hrapar maðurinn minn í launum um næstum 2/3.
Ég held sömu launum en það þýðir samt það að við getum ekki staðið í skilum."

Svo heldur konan áfram að segja sína raunarsögu, sem er heldur þunglyndisleg og endar á gjaldþroti hjónanna.

Svona sögur finnst mér sorglegt að heyra, og finn til með öllu þessu fólki sem fer í gegnum þetta. En hvort það eigi að koma í veg fyrir þetta með að grípa inní með fyrirgreiðslu - eða heimta aðrir greiði þessar skuldir, finnst mér útí hött.

Fólk - sem fyrir er skuldsett - tekur enn meiri lán, útá tekjur sem eru í besta falli vafasamar (hvaða laun hrapa um 67% í einum vetvangi?) verður einfaldlega að taka afleiðingum sinna (stjúpid) ákvarðanna. Þetta fólk lifði í góðæri og græddi á tá og fingri (þótt það vilji eflaust ekki kannast við það). Lifði hátt og féll harkalega.

Sennilega gerði þetta fólk sér ekki grein fyrir áhættunni sem það var að ganga útí þegar það skuldsetti sig. En það breytir ekki því að fólk verður að bera ábyrgð á sjálfu sér, og feisa slæmar ákvarðanir sem það tekur.

T

Já það ríkir mikil gleði á heimilinu um þessar mundir :D bæði sett af ömmum og öfum eru að koma í heimsókn núna í mars ....jeiiii , við færum að sjálfsögðu flugfélögum Íslands þakkir fyrir gott (eðlilegt) verð á flugi til London

Ég (S) er um það bil að fara yfir um af stressi, núna eru þrjár viku eftir af kennslu hjá mér, skólinn klárast 20.mars. Á þessum tíma sem er eftir á ég að flytja 2 fyrirlestra, skrifa 3 ritgerðir og skila inn tillögu að mastersritgerðinni minni. Ég svitna bara við að skrifa þetta niður ;) ... eeen eins og með flest annað þá hlýtur þetta að reddast, það verður alla veganna mitt mottó næstu dagana

Rannveig á svo afmæli á fimmtudaginn, við ætlum að fara og kaupa Thomas köku til að taka með í leikskólann og gefa krökkunum....bannað að gagnrýna bökunarleysi....kanski ég baki Betty Crocker köku handa okkur hérna heima. Gríðarlega myndarleg ;)

S