Karíus & Baktus

Rannveig fékk geisladiskinn með þeim bræðrum frá Árna afa sínum (takk takk!). Saga þessi sem fjallar fyrst um stórfengleg afrek og síðar hrakfarir tannbræðranna á allan hug hennar Rannveigar. Sagan er (bókstaflega!) það síðasta sem hún heyrir áður en hún fer að sofa, og það fyrsta sem hún heyrir þegar hún vaknar, foreldrunum til mikillar gleði ... (hvernig gerir maður kaldhæðni í skrifuðu orði?)

Það þarf ekki að spyrja að því að litla blómið hún Rannveig finnur mikið til fyrir hönd bræðranna, og fer sjálf að kjökra þegar þeim er skolað niður í hafið. Aumingja Kaíus og Battus.

T

Verkfall

Já hvað ég er fegin að vera ekki kasólétt á Íslandi núna! Finnst þetta satt að segja algjört hneyksli, og svo er ekki næsti samningafundur fyrr en í fyrramálið. Fussum svei! Ef ég væri á landinu þá myndi ég sko mæta í fyrramálið (kl 9:30, Borgartún 21) og sýna minn stuðning við ljósmæður. (og hana nú)

Við Rannveig ætlum annnars að skella okkur í IKEA á laugardaginn, Tobbi er að vinna á fullu í ritgerðinni sinni svo hann verður bara feginn að losna við okkur. Næsta IKEA við okkur er annað hvort í Croydon (hálftími í bíl) eða í Neasden (rúm 1 klst í lestum), er ekki alveg búin að ákveða í hvora við förum. Tilgangur ferðarinnar er annars að leita að stóru stelpu rúmi fyrir Rannveigu en hún er orðin "big girl" og "no baby" svo það er kominn tími á að leggja rimlarúminu.

S

Iceland Tea Party

Dvölin á Íslandi var stutt en frábær. Hana má lýsa í fáeinum orðum: Masters fundir með Kaupþingi, FIFA tournament, brúðkaup, eftirpartý dauðans, teboð hjá Einsa. Það var ekkert panik með vitlausar dagsetningar á brottfararmiðunum í þetta skiptið og ferðirnar heim almennt mjög góðar.

 

Myndin hér að ofan er tekin í heimsókn Rannveigar til frænka sinna Unnurdagný (eins og R kallað þær). Hún skemmti sér víst drottingarlega vel.

Nú tekur við maraþon vinna við MS verkefnið sem þarf að klárast fyrir 19. sept og eftir það förum í minibreak til Bath í lok sept. Þann 1. okt byrja ég svo að vinna hjá Singer&Friedlander og Sesselía í LSE.

Eitt orð um KR. Ég hef grun um að bikarinn eigi nú allan hug KRinganna það sem eftir lifir móts og þeir munu af þeim sökum gefa eftir í baráttunni um evrópusætið (sem er 3. sætið). Valsmenn taka það sem sárabætur fyrir íslandsmeistara titilinn.

Mig langar að þakka fyrir mig og mínar dömur, öllum þeim sem buðu okkur í brúðkaup, mat, kaffi, gistingu, viskí, bakkelsi og fleira þess háttar. Við skemmtum okkur mjög vel! Takk fyrir okkur!

T

PS. Ég skora hér með á hinn helminginn að dúndra einhverju hér niður á þetta vesæla blogg.

Ísland

Við erum núna á Íslandinu kalda - hitastigið nær ekki tveggja stafa tölu og vindurinn nagar inn að beini. FIFA tournament í kvöld og svo brúðkaup á morgun. Við komum með fréttir / myndir þegar við komum tilbaka.

 

T

Kaupþing

Fyrir þá sem vissu það ekki er það núna komið á hreint: ég er að fara vinna hjá Kaupþingi í haust. Samningurinn var gerður til eins árs og verður mjög líklega framlengt. Markaðsaðstæður í fjármálaheiminum gerðu það að verkum að samningurinn er tæknilega flókinn - ég útskýri það ekki á netinu - fólk getur bara spurt mig prívat og persónulega.

Ég er mjög ánægður með þennan díl. Við Sesselía segjum skilið við skuldasöfnun og skoðum nú bæklinga um hvers konar skellinöðru við ætlum að fá okkur :)

T

Rússar viðurkenna sjálfsstæði Suður-Ossetíu og Abkasíu

Hvað ætli líði langur tími þar til þessi héruð haldi þjóðaratkvæði um að sameinast Rússlandi?

Endanleg niðurstaða í þessu máli verður "friðsamleg" yfirtaka Rússlands á þessum héruðum tveimur í Georgíu. Ekkert ósvipað því sem Þriðja ríkið gerði við Súdeta héruðuin í Tékklandi og Austuríki.

Hvort sem það verður nýtt Kalt stríð eða ekki, þá er nokkuð ljóst að samskipti Austurs og Vesturs hafa ekki verið svona slæm síðan Cindy Lauper var á hátindi sínum.

T

Silfur, GKV og myndir

Fjölskyldan vaknaði galvösk í morgun, Sesselía útbjó morgunmat á meðan verri helmingurinn sá um skreytingar og tæknilegu málin, áður en úrslitaleikurinn hófst. Okkar mat á leiknum er eftirfarandi: þegar um 10 mín voru liðnar af fyrri hálfleik (staðan 4-4 sirka) þá klúðrum við 2-3 dauðafærum => sjálfstraustið hrynur => við töpum leiknum. Við erum samt mjög sátt og ánægð með silfrið!

Guðrún, Kári og Vignir litli voru í heimsókn hjá okkur í 6 daga, voru að fara núna rétt áðan. Við skemmtum okkur óskaplega vel með þeim og fórum m.a. á Brick Lane og smökkuðum alvöru "curry" rétti (það þýðir Indverskir réttir, hér í UK), og líka í Legoland.

Voum að setja inn fleiri tugi mynda inn á netið - síðuna hennar Rannveigar.

S&T

Miðvikudagsgetraunin

Nefnið sesselíuna á myndinni :

T

Frábært framtak hjá Kim

Nauðsynleg vitunarvakning verður að eiga sér stað og þetta slogan er að mínu mati mjög gott og lýsindi fyrir yfirganginum í sumum.

Fyrir þá sem ekki vita, lesa hér.

T

Ísland komið í undanúrslit!!

RÚV má auðvitað ekki senda út beinar útsendingar í gegnum netið útaf réttindamálum. Sesselía er að vesenast útí vinnu að reyna finna lausn á þessu, fá einhvern lykil til að geta loggað sig á netið með íslenskri IP tölu (skilst mér - ég þekki þetta ekki neitt). Það verður að takast.

Það verður allavega ekki hægt að fara á neinn pöbb hérna til að horfa á handbolta.

Worst case scenario þá verður maður bara að fylgjast með strákunum okkar komast í úrslitaleikinn í gegnum Rás 2.

T